遠距團體戰入場券依家可以係商店購買,又或者係特殊活動獎勵拎到。 如果你既item bag 已經有3張或以上既遠距團體戰入場券,咁你就唔可以買到或者再拎到更多既遠距團體戰入場券啦。所以,除非你會課金,如果唔係遠距離團體戰入場券係game入面就係一樣好珍貴既道具。
點樣遠距離打團體戰?
遠距離加入團體戰有3種方法:
1.撳地圖畫面右下方位置,然後揀 “團體戰” 標籤。 係入面揀你想加入既團體戰再撳 “查看 “就可以入去啦。
2.撳地圖畫面中任何一個開始左既團體戰道館。
3.你可以接受朋友既團體戰邀請 ,無論你離團體戰道館有幾遠。
咁究竟點用遠距團體戰入場券最好?
相比起自己一個係地圖入面隨便揀一個團體戰同一班唔識既人一齊打,我就比較鐘意等外國朋友邀請我去打啦。除左好容易拎到完場時既遊客稱號,同正港好朋友(Best Friend)一齊打仲會有攻擊獎勵,而且仲會有多4個精靈球去捉精靈。