以開發AR手遊而聞名既Niantic係一方面推出新遊戲Pikmin Bloom（皮克敏），而另一方面就宣布將會停止營運《哈利波特：巫師聯盟》。該遊戲 將於 12 月 6 日於IOS及Android平台下架，並於2022 年 1 月 31 日正式關閉伺服器。
雖然哈利波特係全球都好出名，仲要加埋Pokémon GO既玩法，但係 《哈利波特：巫師聯盟》 自推出就同 《Pokémon GO》既成績相差好遠，加上由2019年開始各國都受疫情影響而出現好多禁令，亦令出街既人大幅減少，可能都成為了公司決定停運巫師聯盟既原因。 相反，Pokémon GO係其間推出左唔少抗疫措施保持人氣，同埋Pokémon系列一直都有各種更新，而喱啲更新往往都會放入去Pokémon GO既活動入面，令喱隻推出左5年既遊戲仍然存在新鮮感。